مدونتي وحال البهذله اللي عشتها

وأخيرا تمكنت من الدخول .. لا أدري عن التطوير اللي حاصل بعد اتحاد قوقل وبلوقرخخخخ صايرين لميس وكمال في الاتحاد قوه

خلاني ماقدر ادخل لفتره وكلما جيت بدخل ودخلت اليوزر يرجعني للصفحة لايمكن العثور عليها

الله يهديك يابلوقر تبهذلت

طحت من عيني ::*_*::

أجل أنا بنت عمتــي ؟؟؟ هههههههههههه

هههههههه بما أن العنكبوت على قولة نيارت الخبله اقتحم المدونه الغراء

بكتب لكم سالفه حصلت لي يوم الخميس وبالتحديد هذا الخميس :p

أبد كالعاده كنت نايمه متاخره لحد الظهر ومقفله باب الغرفه عن المقتحمين خخخخخ

فجأه حسيت أني بحلم ولا بعلم ولا مدري وشو! اسمع احد يطق وصوت كأنه صوت أمي << لاوالله ؟

وكانها تقول قومي فيه وحده تكلمك مدري وشو سعود الفيصل

وأنا اقول هااااه وشو سعود وشو فيصل بلا استهبااااال !!<< ولاني مستوعبه وش أقول ولسه مخي فاصل من النوم

قومي هي تبي تكلمك و أن شركتهم تقفل العصر.. وأقووووم وبكامل قواي النوميه

وصوتي يروع وخشتي وع بالنوم وبشوف من ذا الفيصل اللي طالبيني يمكن يخطبوني خخخخخ وانزل والكل مجتمع بالصاله يامحاسن الصدف بس

وأرد على التلفون و ألقى الطرف الآخر صوت انثوي رزه وانا صوتي يروع ويحوم الكبد لاقمت بالنوم هههههههه فشيله وأقول السلام عليكم ..

ردت وعليكم السلام اهلين الاخت هديل .. قلت ايه نعم أنا . قالت حياك الله .. الله يحيك

أنا من طرف مؤسسة سعود الفيصل الاستثماريه وأن عندنا وظيفه مندوبة صفقات استثماريه

وان طالبينك بهالوظيفه وش رايك ؟ قلت هاه .. يعني مب مستوعبه وشو

قلت يعني وشو طبيعة العمل ؟؟ ادخل على الشركات والمؤسسات وامدحكم وكذا ؟؟؟؟؟؟

قالت تقريبن

- و بنفسي أقول هذا الناقص اصير طرطوره لكم هههههه

قلت شوفي الله يعافيك فيه وظيفه ثانيه غيرها قالت لا هذي المتاحه حاليا

قلت ممم مدري ماقدر اقولك ايه او لا قالت طيب خذي رقمنا ورقم الفاكس وارسلي بياناتك فيه

وتعالي لمقر الشركه الساعه 11 ونص يوم الأحد

قلت ايه طيب يصير خير <<

المهم واقفل منها واشوف مكالمات لم يرد عليها عمتي

قلت شكلها من صاحباتها ولا شي وتبي تعلمني يممكن بوظيفه

المهم رحت دقيت على بيتهم من لقافتي ورد علي زوجها المحترم

ههههههه وانا اثناء اسلم واقولهم وش خباركم وكيفكم ماكيفكم قلت من لقافتي والنوم معشش بمخي مع الروعه انا هديل بنت عمتي

هههههههههههههههههههههه مستوعبين ياحضرات الافاضل

انا ماستوعبتها الا يوم ضحكوا علي كل اللي بالصاله ياخزيااااااااه وش قلت للرجال زاد تنح

قلت هااه تراني اسفه وتوني قايمه من النوم و مدري وش اقول قال يابنتي لا عادي ومدري وشو شكله يتحمد ربه في نفسه ياخزياه ياللهول

وياليتها ردت علي طلعت لا ردت علي ولا هي من قالهم عني هههههههه

وبعض الناس بالماسنجر كلما قلتهم ذي السالفه علقوا بالتشهيرات هديل بنت عمتي هديل بنت عمتي

ههههههه يامجانين اعقلوا

مازلت اتذكر ذلك اليوم ولا انساه توبه إن كلمت على بيتهم تووووووووبه

عيـــد بن سعـــيد :p

كل عام وانتم بخير خخخخخ ادري بدري
ماهنالي الا اكتب عن العيد الا اليوم
مع اني ماحسيت بالعيد في الرياض الا يوم اول مره اروح للمسجد واصلي صلاة العيد

وكانوا معنا بنات عمي دخلنا للمسجد وماشاءالله مليان من الحريم اتخذنا مكان لنا وجلسنا فيه ماشاءالله بعضهم طاقات الزينه و الميك اب والشعر وبعضهم على شهابهم وجايين << ايه حنا من ذي الفئه خخخخخخخ وش نسوي ابوي وعمي وهم على اعصابهم يالله( ابد سعوديين مايصبرون على حريمهم ) هم لبسوا ثوبهم وخلاص ترى بنروح عنكم واستعجلنا

المهم زي ماقلت داخليين وطبعا عادة الحريم ماشاءالله بعضهم يوزعون عيدياتهم للاطفال مع امهاتهم اللي داخل المسجد ماشاءالله على اجر ان شاءالله ووزعنا عيديات عليهم وهذي حصيلتنا حمولتنا

الكرام 3 بنات صغار

وحتى لنا نصيب من العيديات لوووول

شفتوا كيس فله من بين عيديات البنات ؟

هذي صارت عليها مشكله وقنبله نوويه فيه ..صرخت حرمه كبيرة بالسن فجأه وهي تقول :من هي الآآآثمه الكافره اللي جابت ذي الاكياس اللي فيها ارواح للمسجد حسبي الله عليها تبينا نصلي مع اكياس فيها ارواح وين الحارس حق المسجد عشان يمنعكم من دخول المسجد هذي الاشياء معكم حسبيييييييي الله عليكم

حصل سكوت مفاجئ والناس نظراتهم متوجهه لها وهي تصارخ فجاه قامت وحده تقول الله يهديك مايجوز تقولين لاختك المسلمه كافره وبالمسجد بعد ,,هي قالت ذي الكلمه الا وهي صارخت :هي لو انها مسلمه مادخلت ذي الاكياس في المسجد ... وفجأة قامت وبسرعه تلم الاكياس من بي الاطفال والحريم بالقووووه وتكب الحلاو اللي فيها وعيون الاطفال مرعوبين من الخوف وقسم بالله انهم ينتفضون منها وهي تاخذ الاكياس وتكب اللي فيها ولا وزاها احد تحتهم او من خلفهم قالت : انا شاييييييييفته لاتوزينه لاتوزينه هاتيه وتاخذه خخخخخ حتى الشغاله ماسلمت : هذا حق بيبي ليش كذا مسكين قالت اص يلا مابقى الا انتي تتحكين واخذت الكيس

وجمعت الاكياس بيدها منتصره وطلعت الظاهر برى وكانت تاخذ من بقية الاكياس اللي جالسين هناك واختي وبنات عمي اللي بسرعه من ذيك الهوشه عطوها عشان ماتاخذها هناك من بين الزحمه ومعهم خخخخخخ جتهم وقالت هاتي الكيس وهي ماتدري وش السالفه... قالت وليش؟ صرخت قالت اقولك هاتي الكيسسسسسسس هذا لايجوز بالمسجد قالت انا برى المسجد ومنيب معطيتك ياه ههههههه خبله

الين استسلمت وراحت

قبل مايكبر للصلاة ومسكتها امي يوم مرت من عندها قالت الله يهديك ياختي ليه تسوين كذا الامر بالمعروف مب بالصراخ ولاهو بالقوه بالاول الكلام الطيب والمعامله الحسنه حتى ماينفر منك زي ماشفتي قالت : انا جليسة بن باااز اسمعله دايم واقراله ماقدر ان شفت المنكر ماتحمل ,,, قالت امي : مااشاءالله بس انتي الله يهديك رفعتي ضغطك وتحمستي مب زين لصحتك ترى وبالهداوه كلش يصير

قالت : ماقدر هذا اللي ينفع فيهم هذا الاسلوب .. انا مره شفت حرمه ونصحتها بالسوق وقالت لي فكي وجهك انا اعرفك واعرف صوتك الله يسلمك ويوم فكيته لها الغطا تفلت علي

وكبر التكبيره الاولى وراحت بعد هذي المناقشه خخخخخخخ

وصلينا وجلس يخطب .. وكنا نسمع الخطبه عن العيد وكيف ان سنه الرسول ان راح بطريقه للمسجد يرجع من طريق ثاني .. المهم حلوه الخطبه

و لاشفنا احد نعرفه نسلم عليهم طبيعي ......... والحريم يسلمون بعضهم اللي يعرفونهم جت وقالت الناس يسمعون للخطبه ولا يسلموووون ؟

الله يهديها مالها داعي تقول كذا لان طبيعة الحال عيب نشوف احد ولا نسلم عليه احراج والسلام واجب صح ولالا ؟؟؟؟

يعني هي معها حق في الاكياس بس مو هذا الاسلوب اللي ينفر بالواحد من نصحها له الله يهديها

والحمدلله صلنا ورجعنا لبيوتنا سالمين خخخخخخ

افطرنا ونمنا الين جا عيدنا عيد الاهل وكشخنا باللبس الجديد ورحنا والحمدالله انبسطنا بكشختنا خخخخخخخ مع انه هم يوم لقيته تدرون رجعت لبسي مرتين كنت ابلبس شي جديد مالبسته بس فكرت انه مايصلح واخر يوم من بكرى العيد لقيت ولله الحمد

<< كلن على همه سرى :D

I am B a c K to My B l o o g ^_^

هناك بعض الصور بالكلمات باللون الاحمر رجاء تفرج عليها :p

السلام عليكم حتى لو يطول لقائي بكم ها أنا اشتاق اليكم <<< اخس وش هالحتسي اللي اقوله :p

شكرا لكل من راسلني وسأل عني وسأل عن مدونتي لاتحظرني اسماءهم الآن لكن مشكورين والله فيكم خير من جد وواصلين ماشاءالله عليكم وفرحتوني وحسستوني ان عندي مدونه ومهملتها :( قسمن ماستحي على وجهي ادري نسيت اقولكم كل عام وانتم بخير بعد الزحمات والعشر الاواخرو عيدكم مبارك مره وحده

الحين وفيه اشيااااااااء ودي اكتبها من ايام الاجازه بس مادري ان كانكم وسيعين صدر والنفس طيبه عليكم ابكتبها وامري لله بالبدايه ابتكلم عن الاجازه الصيفيه اللي رحنا فيها مابين الشارقه ودبي وماكانت جايه في بالنا ابد ان نروح لها وكنا متأملين ان بنحرس الرياض لكن الحمدالله رحنا من اجمل الدول العربيه والخليجيه تطورا صدق من قال دبي دانة الدنيا من جدماشاءالله عليهم فيهم تطور قوي بالنهضه العمرانيه << موكاني اكتب درس جغرافيا

بس والله حبيت العماير وناطحات السحاب واسواقهم شي جميل ونفخر كخليحين انها صارت تنافس الدول الاوربيه بحداثتها وتطورها صح انه اكثر شي اسواق بس حبيناها اذكر من زمان مارحت لها كان فيها خضار صراحه اذكر ذا ك المكان اللي بدلوه بعماير وطلعت حفريات كثيره
وتغبر السياره دايم من الحفريات اللي دايم نجيها لطريق فندقنا
وماشاءالله عليهن من يقومون بعماره الا وهي قاضيه بالشهور وهي ناطحه سحاب
رحنا للأسواق شي راقي صراحه احلى شي عجبني شكله مركز ابن بطوطه وتصميماته من داخل والاشياء اللي فيه جميله تقريبا في بعض المحلات والماركات التي لم توجد لدى سعوديتنا و مركز ميركاتو ايضا من الداخل جميل وفيه ماركات بس السوق مو ذاك الدرجه بس حبيت شكله وحليو نوعا ما
ممممم ايضا لاأخفي عنكم حبي للمطاعم الموجوده والمتنوعه في دبي اهم المطاعم التي زرتها وعجبتني من هذا الايراني المميز مطعم حاتم صراحه ممتاز جدا واكله لذيذ وحتى سعره مناسب وايضا صدف بس اعجبني حاتم اكثر وجربنا بعد شاميانا موشين اكله اما من ناحيه مطاعم منوعه منها جربنا مطعم اونو و كوكوز رهيب اكثر ماعجبتني شوربة البروكلي اللي بالخبز لووووول :p

طبعا لايخلو من مواقف من ابناء سعوديتنا :في السوق كان هناك بنات سعوديات ولابسين العبايات ودخلوا الحمامات الله يكرمكم شوي واحنا داخلين المحل الا ونفس البنات دخلوا بدون عبايات ويوم شافونا انحاشو هههههههه

موقف ثاني مع اللقااااااافه كنا ننتظر اخوي الصغير يطلع من فلم وكان اخر فلم ينعرض بالليل المهم تجي وحده تروع وكشتها طالعه من النوع الشوشه الملفلفه ومتلثمه على فمها مدري وش الحكمه تجيك ممن اللقافه ماتدري وش تقول قالت متى يخلصون الفلم هذا الاخير قلنا مدري مابعد شوي وسكتت قالت انتم من العايله الفلانيه ماعطيناها وجه ههههههههههه

الموقف الاخر ايضا : في الفندق كان هناك مسبح طبعا ونتفاجا بمنظر لا يقبله العقل ويشوف ذا المنظر فجأه شياب سعوديين مع عيالهم لابسين الوزار وطابين بالمسبح ؟؟؟؟ الله يفشلكم ماتكفيكم ثمامتكم ؟؟ جايين فندق محترم طابين بوزااااار شوي من الفشيله وياخزياه ان يجي المدير ومعه الامن يبون يطلعونه وارتفعت الاصوات مابين عناد السعوديين انهم ماخطو وبين المدير المسؤول وقالهم بالحرف الواحد ان هالمنظر مانقبله في فندقنا وان ماعجبكم اطلعوا برى وبعد دقائق نشوفهم هم وبزراينهم وحريمهم يطلعون من الفندق يستاهلون هههههههه بس يقطع ام الفشيله مكان محترم وغير بلدك :\

نسيت اقول عن الولد وامه اللي محل الماركات كان فيه محل نسيت اسمه يجمع بكل الماركات جت وسالت عن نظاره ماذكر وش ماركتها بس اتوقع برادا قالت بكم قالها بالف وستميه شوي الا وجت عند شال بيربري وقالت هذا بكم وهي باين انها تتفرج مب راعية شرى شوي وتسال عن ساعه ماذكر وش ماركتها قالها ب3 الاف الولد من كثر ماشاف امه تسال وطولت مل قام وقعد على الارض ويأشر على اللي اشرت عليه امه يقول :اافف هذا بالف وهذا بالفين وهذا ب3الاف وكل شيييييي بالاف خخخخخخخخخ

فبعد هذا القرقر الزايد بقولكم عن الاحداث الي صارت لنا وتبهذلنا فيها وحسيت كنا مشردين :( بسم الله علينا
اول حدث المعامله السئيه جدا من قبل الشرطه ومرور دبي والامن بشكل عام ولانه حاصله بعد في اخوي الكبير الذي قامو بمنعه من السفر وحبس جوازه بتهمه انه رد على الشرطي الابله لمدة 6 اشهر لاتقعدون تقولون لي هذا هندي او ايراني لاااا هذا اماراتي ومن ابناء البلد بسبة واحد صدمه ووضعله التهمه قام اخي بالدفاع عن نفسه بالطيب بالعافيه ابد انت مخطي بعد رجوعه من السفر حرم انه يجي ابد لها :(

الله يهديهم يااااهم يكرهونا كره لدرجة اول مايشوفون سعودي ماكانهم اخوان او اهل ويتنيذلون في اشياء تافهه كطريقنا للمطار كنا بنلف زي حال خلق الله وكان فيه شرطي واقف هو وياوجهه على باله يمشي السير يوم شافنا قام يمنعنا من المروراللي كان طريقنا منها ويمشي السيارات الاماراتيين الغريب ان سيارتنا مستأجره وليس فيها ستيكر خاص بالاجره بس مدري كيف عرفنا وفيه سيارات سعوديه قام بمنع المرور عنها لنفس طريق المطار!!

المرحله الثانيه من التبهذل احنا تكنسلت علينا رحلتنا بالطياره لسبب مجهول قمنا انحسنا صراحه ولافيه رحله لنا قمنا باخذ رحله الى البحرين على اساس منها الوصول الى رحله اخرى او نروح للدمام لانه قريبه طبعا منها ونطلع لمطارها أخوي راح يرجع السياره لمكتب الاجار وهناك تاخر بسبة المخالفات اللي عليه حطنا بالمطار وهو يسلم السياره وهذا اكبر خطأ المفروض رحنا وديناها من زمان بس تاخرنا بسبة مطعم للغداء وزحماااااات ماتوقعنا اننا نواجه كذا مواقف متعكرفه تحول الوصول الى ديرتنا سالمين :( طبعا اخوي جلس بالمكتب وطول وفاتتته الرحله يوم هو راح المطار وراح بالعافيه طلع له تذكره الى السعوديه وسبحان الله وحنا مالقيناها بس يسرله الله ماشااءلله المسكين يروي لي بعظمه لسانه على مايقوولون اول مايبي يروح لرحلته وقفوه عند البوابه في الجوازات اوكي شوي ويطالع في وجهه ويناظر بالجواز قاله انت بتستنى معانا شوي ويمكن ماتروح لرحلتك ترى قال ايش !!انهبل قال وكييف ماروح وش صاير وكل اوراقي كامله وجوازي بيدي والتذكره قدامك قال شوي استنى بالكراسي الين نطلبك قعد بالكرسي شوي ويجيه ذاك اللي مسوي روحه اف بي اي السماعه باذنه والبدله السوداء اللي يلبسها كانه من فيلم مين ان بلاك قال لو سمحت اخوي انت فلان الفلاني قال ايه قال ممكن تطلع موبايلاتك كلها اللي أوم كيمراااا ووراه الجوال اللي معه قال هذا بس ؟ متاأكد ؟ قال ايه هذا اللي معي وش سالفة الجوالات فهمني وعفشي راح مع اهلي اللي فاتتني رحلتهم وهذا وانتم بتاخروني عن الرحله اللي بتجي قال انت منت متحرك من هنا ويمكن تطول معنا بعد قال وليش؟؟ وش مسوي قال سير ويانا نبا نفتشك قال اخوي له ان كان عندك شي قوله هنا قدام الناس انا مو خايف ولا سويت شي وشوي الا واتجمعت الناس على ذا المنظر من جميع انحاء البلاد وراح لغرفه ويلقا سعودي معه مرته ويفتشونهم وفتشوه ولا لقى شي قام يكلم بالسماعات حقته ويقول لرفيقه اللي معه على الخط احنا مالقينا شي في المشتبه وعفشه رايح قال وشلون يعني اروح ولا كيف عقب مافتشتوني قال بشوف وقعد يشاور خويه الين قال خلاص روح

تخيلوا تاخرت الطياره عشر دقايق من تفتيشهم له ويقول والله كاني مجرم لدرجة انه مرسلين وراي شرطي يشوفني وين قعدت وبعدها قفل البوابه والناس يناظرون فيني يحسبون اني مسوي شي او مجرم او ارهابي وحلف انه مايطبه هو الثاني ودعا الله انه مايكون يحتاج لهاولا يروح لها من سبة اللي شافه

القرقر المفيد من هذا الموضوع هوتعامل الاخوه الاماراتيين من الشرطه وكرههم للسعودين الملاحظ صراحه باللي شفناه واذكر حادثه قد قريته بالجريده انه سعودي مسجل شريحه باسمه في دبي ورماها لانه خلاص بيسافر للسعوديه وطاحت بين يدين لعاب وقام يسب في شخصيه معروفه ومهمه بالبلاد لانهم مايدرون من هذا بس باسم السعودي يوم جا لقضاء رحله هو وزوجته واطفاله تفاجا بسحبه بالقوه في منظر رعب قدام عائلته وكانه مطلوب هام ومايسوى روعته المثير في الامر الشخصيه المهمه رفعت قضيه عليه ومنعته من السفر وطالبوه بتعويض وسجنوه على ماعتقد يوم راح لمحامي قال اخوي في قضايا اهم منك وسامحنا مانقدر عليك والله يسر امرك!!!!

ملاحظه لونها أحمر: انا لا أحمل كرها ولا بغضا للاخوه والاخوات الاماراتين هم اصلن اهلنا وكلنا بلد واحد وشعب واحد ولدي صديقات اماراتيات وش كثرهم ومليون ونعم فيهم واتمنى احترام الرأي ووجهة النظر واللي كتبته وانه لايفسد من الود قضيه

:)

لبنان ::*_*::

يالله كن معهم

وارجعهم سالمين وفك عنهم الحرب اللي قامت بينهم وبين اسرائيل حسبي الله عليهم

خالتي واهلهم كلهم هناك واول مره شحذوا جدتهم تروح معهم وسبحان الله كتبه ربي وجاهم اللي جاهم

الى الان هم بالحدود وكلموهم السفاره بس للحين بالحدود :( هذا اخر ماوصلنا عن اخبارهم

وصديقتي واهلها هناك وللحين مدري وش خبارها

فتحت ايميلي اليوم ولقيت بالصدفه ايميل بنت خالتي مرسله لنا وياليتني ماقريته ضاق صدري قسمن بكيت

غصبن عني ايميلها يضيق الصدر الله يعجل بفرجهم وكل مسلم يارب

اترككم مع ايميلها ادعولهم تكفون

السلام عليكم شخباركم الصراحه ما اعرف كيف ابدا انا بلبنان وانت اكيد شايفين الوضع عندنا الصراحه من جد ما اعرف كيف ابدا الميل هذا تقدرون تقولون وداع! او طلب دعاكم يمكن هذي اخرمره تشوفوني ماتعرفو ايش حيصير الوضع زاد صعوبه وكلمالهم اسرائيل يقربون علينا الله يسترعلينا جميعاحبيت ارسلكم هذا الميل واشكركم على كللحظه معاكم من جد اشكركم على كل ابتسامه على كل دمعه فرحاو حزن وطبعا لازم نحاول ننسى الاوقات المحزنه لان الحياه ماتجي الا مره وحده احب انصحكم بشوي نصائح لاني اغليكم واحبكم من جد عيشو حياتكم جربو اشياء ماقد جربتوها لان الحياه مره وحده والحياه قصيره يمكن هذي نهايه حياتي والله من جد الحياه قصيره وربي متحسفه اني ما اختبرت الاشياءاللي نفسي فيها بس الحياه قسمه ونصيب الصراحه ماتمنيت نهايتي هنا تمنيت نهايتي تكون بايد اللي احبكم بين اهلي وناسي بس يالله هذي الحياه من جد احب اشكركم على كل شي ودعواتكم لنا بالسلامه لان الامورزادت تعقيد وقفلو كل وسائل الخروج وحاليا جالسه اسمع صواريخ فوقي وطيارات صح الحياه ماشيه طبيعيه ببرمانا لاننا بعدين شوي عنهم بس ما احد يعرف متى تزداد الامور سوء صح او لا انا ماكنت اتابع الاخبار يعني ماكنت اهتم يعني لابفلسطين ولا عراق ولا غيره كنت اقول هما خلاص تعودو بس افتحو التلفزيون اقرو الجرايد حسو بشعورهم توني احس باحساس الرعب انا صار الامرعادي عندييعني اسمع انفجار طيارات فوقنا اللي هوا ماصار يهمني تعودت خلاص بس فحطو نفسكم بمحلهم تخيلو مصيركم بين ايدي الاعداء منتو عارفين متى حتفاجئون بليزاللي اطلبه منكم انك تنتبهو لهذه الاشياء لا تغلطو غلطتي اقرو جرايد ناظرو التلفزيون تبرعو بدمكم وبمالكم ( هذا اولتغير حيصيرلي اذا رجعت انشالله بالسلامه ) واذا ماقدرتو ادعو بس ماهو ضاركم شي ابغى اطلب منكم طلب ابغاكم تقرون اللي بين القوسين وبعدين تمغضون عينكم دقيقه وحده بس وشوفوكل شي حولكم ( تخيلو انك بوسط شارع مغطى بالدم وولد صغيرورجال طايحين مجروين والقنابل حولكم واصواتكم قويه وانتم واقفين ماتقدرون تسون شي ) ناظرو حوليكم ناظرو الدنيا ايش صاير فيها تعرفون يمكن تقولون عني مجنونه بس من جد لانها خاربه خاربه خليني اعميها نفسي اروح اساعد بالمستشفيات هنا اخاطرواساعد الناس لان محد عارف مصيره والاعمار بايد اللهواوصيكم باهلكم لان مالكم غيرهم مهما كبرو لاتقولون مايفهمونكم او بيعاتبوكم اذا عاتبوكم هذا لدرجه حبهم لكم اكسرو الحواجز السخيفه اللي بينكم وبينهم حطو نفسكم بمحلكمواياكم والغرور (عارفه بتقولون المتخلفه هذي جالسه تخطب بس يمكن هذي اخر مره اشوفكم بالحياه ) بس ابغى ارد لو شي بسيط من اللي اعطيتوني هو اوكي بتقولون ايش اعطيتوني انا اقولكم ايش اعطيتونياعطيتوني حبكم خليتوني مبسوطه وحتى لو حزنتوني المهم عطيتوني من وقتكم لاتتكبرو وتقولون هذا اسمرابيض طويل قصيرغني فقير المهم اللي بالداخل وهذا اللي الحياه علمتني لاتنسونا بدعواتكم وحللوني ولاتنسوني حتى لو توفيت او صار شي ولا قدرت اجيكم مره ثاني ويمكن اختفي مره وحده انا معاكم روحيا ابتسمو احلى شي بهذي الحياه الابتسامه لو شفتو وحده تبتسم او تضحك على كلشي تذكروني لو شفتو وحده مجنونه تبكي وتضحك بنفس الوقت تذكروني لو كلمتو احد بالماسنجر ويضحك بعد كل جملتين تذكروني وحللوني لو بدر مني خطا الحياه غداره واسفه لو زعلت احد باي كلمه ودعواتكم مره ثانيه احبكم ومشكورين مره ثاني مع السلامه للابد ( ان شالله لا ))ايوه صح ناظرو الحياه بمنظار ابيض يعني مثلا انا الحمد لله اوكي يمكن بختفي او بموت بارض غريبه بس الحلو بس الحمد لله قدرت ارسلكم هذا الميل واودعكم بس ان شالله ان شالله برجع سالمه ودعواتكم وحللوني اختكم

Update :حمدالله ابشركم امس وصلنا خبر انهم تعدو الحدود وراحو لسوريا بالسياره

بدون عنوان

سلام عليكم جميعا ..
احترت مدري وش أكتب .. لاني من زمان ماكتبت وحسيت مخي فاضي تهقون من الجو ؟؟
الحين الحمدالله عطلت على خير ويوم عطلت ياناس ماقعدنا كله ارتبااااطات << اتعب على الكلمه انشغلت شوي فيها .. صارت احداث كثيره ماكتبتها واللي هي

الحمدالله تخرجت وفاز مشروعنا انا والبنات بالتصميم المتميز والمتكامل

كنت مره انذبحت ذيك الايام والله ياعالم اسبوعين مانمت او اكثر اكلي صار قليل بعد ماشتهي
وكله بسبة المشروع والحمدالله انتهيت على خير ..
والحمدالله ماراح تعبي .. وتخرجت بسلام ياسلام

كاس العالم والمنتخب السعودي اللي مشارك فيها
كنت ابكتب عنها بعد هههههههههه الله يفشلهم ميزانيه يقال45 مليون وناس يقولون 100 مليون
واغاني وخرابيط واخرتها فشلونا
سفاب الميزانيه ليته موزعينه علينا بس والله حرام
لعب اكل وشرب وتسوق وطلعات ونوم هذا اللي جيدين فيه
ولا مباااااااااراه صاحيه ياخزياه بس من فشايل وهزايم

فيديو كليب أوه ياسعودي للتحميل بناء على طلب الانسه سوسو

مدري ليه حسيتهم هنا انيس وبدر اللي في افتح ياسمسم ؟

ليتهم راقدين من جد
اول مايشوفون بعض يقال صدفه يقول محمد عبده : راااااااابح ؟
يرد عليه رابح صقر : استاذ محمد ؟ خخخخخخخخخخخ
وش الحكمة يعني ؟؟
ولا ذوليك بو شكيب اللي كالعاده جايبينهم رافعين راسهم عشان مايطيح الغتر هههههه الله يفشلهم

زواج صديقتي الغاليه جي
أهم الاحداث اللي مرت علي زواج صديقتي ام مغامرات تاو ههههههه .. وربي فقدتها مررررررررررررررررررررره ياناس بسم الله عليها الله يحفظها ويوفقها ويسخرلها ويكتب لها الخير يارب.. من جد يوم حضرت العرس كانه حلم مدري شلون.. ياحبيلها طالعه قمر .. الله يوفقهم العرسان .. وعقبالكم
اعذروني على التقصير .. وتراني مدري فكرت اني اقفل مدونتي لبعض الوقت انا كسوله.. سلام

تاو از ريستورنت اور هوسبيتل؟

في يوم الخميس
(G دارت بيننا دردشات ماسنجرية بيني وبين (جي
وبينما كنا ندردش جاعت البنت.. خخخخخخخ
حتى انا جعت قالت ابي اطلب اقترحي لي تكفين اي مطعم ودي بهممممم ونسرد انواع
المطاعم مابقى مطعم الا وقلناه خخخخ
وبعد مناوشات ومناقشات عده ..اخر شي اقترحت علي
اقتراح محترم وقالت يالله ابعزمك على مطعم وبناكول فيها حته هممممم بالاول قلتها
يابنت هلمي الى كريباوي بعدين دقت علي تراي بغير المطعم وبنروح لـ تاو اللي
بالتحليه وانهم مادحييين بقوه ويهبل ويهبل قلت طه نشوف ونجرب انا ماعمري جربته
ولاسمعت عنه ولا هي بعدالمهم وصلت هي قبلي .. انا دخلت بعدها بس ابشوفها وين
جالسه فيه باي مكان الا اسمع فيه واحد يتكلم وراي قال عفوا التفت وارتعت خخخخخ
اشوف السعودي اللي يشبه ولد السدحان قلت نعم؟؟ قال فيه بنت دخلت قبلك ودخلت هنا
تدورينها ؟ قلت هااااه وانا حسبت اخوها خخخخخخ خير وش يبي ذا استحيت اعطيه كلمه
بس بنفس الوقت استغربت انه قايلي كذا وانا بقلبي ودي اصفقه ههههههههه قلت ايه
طيب ودخلت كنا جالسين بالجلسات اللي كنبات غيرنا وضعنا ورحنا للطاولات اللي
ورى
مشينا للممرات اللي توديك
الجلسه اللي ورى
شفتوا ابو مرايات فووقه صوره حرمه كانها بديسكو باين :D

اول ماحطينا رجولنا على المكان ابيض × ابيض مع سواد داهس وصفار وصاخه يعني خخخخخخخ
اسمنت من البياض فيه خطوط سودا الجدران بيضا والكراسي بيض وواحد سكري اللمبات مدري
وش تبي الستاااااااااااااير ياناس من الوصاخه والتعرفط اللي فيها وكانا داخلين
بغرفة عزابيه زي حقت مانع ودواس ذيك الستاير المعلقه بخيط واحنا ميتين ضحك غير

الجره الكبيره اللي مدري وش تبي سطل لبن بس كبير :D

واحسن مافيه جو
الميوزك قسمن هو الشي الشاذ اللي عندهم

الله من زين الوصف حسينا في كوكب ولا مركبه
فضائيه !! مستشفى نفسي مريضين نفسين مانحس بالعالم ولاش مدري وش ذاك الشعوور شي شي
شي بس مدري وشو المهم يجيك ذاك ابو شعر احمر اللي كانه في فيلم هاري بوتر ذاك صديقه
الشين ابو شعر احمر
وفيه نمش

استغفرالله خشته وخشش اللي بالمطعم يليقون ببعض
يعني خششهم اللي يشتغلون بالمطعم يصلحون لبعض قلنا نجرب ونغامر مدامنا جايين
طلبنا شوربات الله يكرم النعمه وحده كانه تراب مطبوخ

الثانيه خميره مطبوخه ماكلناها والحمدالله ماطلبنا شي ثاني حنا حسبنا
طلبنا شي تدرون ماقالنا شي ولا نشب لنا انتم ماطلبتوا الا وشكله عارف اللي
جووهم مايكمله وحنا نستنى نسسسسسسسستنى الين نادينا حضرته وقال ماطلبتوا شي ..لا
بدري ؟؟حمدالله يارب حمدالله حمدالله مليون مره ماكملنا الطلبات وتدرون كم طلع
علينا الشوربه مع كوووك وسفن ابو علب ؟؟ مدري كم شي وتسسعين يعني بالله وش
المهززززززله؟؟؟يعني استغفال عيني عينك وجع غير الخدمه الخايسه 15 %

انا يومي اطلع بغيت اسمع الرسبشن المستشفى ذوليك
كلام بس خفت يوم جا توأم السدحان قسمن احسهم يشبهون لبعض ابي اطلع حرتي بس مدري ربي
سكتنييي قسمن مب على عادتي وانحشنا للريف اللبناني اللي جنبه
الحمدالله على قولة جدتي يالله الجنه من جدددد حسينا بمطعم حسينا بنظافه حسينا بجو
مطعمي يجيبون اكل صحوتدرون الفاتوووووره ارخص مليون مره من ذاك المطعم الخايس
يالله الجنه بس
نصيحه لاجيتو تروحون لمطاعم روحو لمطعم واثقين منه ورايحين له قبل مب تسمعون كلام
اللي مالهم سنع بالمطاعم

ملاحظه: الصور مب حقتي الصور من مشرف في الاقلاع اسمه
اسبرنزا بس انا فاتتني التصوير وماتوقعت اني ابكتب عنه بالبلوق ودي اوريكم اللي
شفناه قهررررر

داير انتم الزول بيتدخلايهوو على الادمنزتريتور

ياربيه وش هالحال :( يارب صبرني والهمني بصبر ايوب يارب ياكريم

حاسه ان الترم ذا خلاص طقت تسبدي

مابي ادرس :(

والله مليت قسسسسسسسسسمن << بشري امك :( مير الود ودي عادي بس امي ماترضا

حسيت ان مالي داعي ابد ادرس ومب غصب تدخل المعلومه بمخي؟؟؟؟؟

اجل جايبينلنا زوله داير بتتكلم زوداني اللي لانطقت

كلمه كلنا نرفع بالحواجب ونفق خششنا عشان نستوعب

ولا وياليت كلامها صح بالنطق والسبلينق

sabnet mask =

اللي هي تنكتب كذا }} subnet mask ولا وتقولها كذا صب نت ماصك

نيت ويرك - network

المجلد = كانكم تقولون جلد وضيفوا ميم << ابو الوصف ياشيخه خخخخخخخخخ قصدها الفولدر

وداير انتم كزول ادمنيزتريتور بتكتيبليهو القوماند دايرقتري << اتحداكم تفهمون وش تقول

والبخور السودانيه الاصيله اللي تذكرني بملاهي الخيمه الله مستعان

تقل عطر شيوخ تشمه من من بعد 10 امتار <<< خخخخخخخخ كانه واير لس او واير لز على قولتها

والله خذت لي كورس محترم باللهجة الزوليه ومع ذلك مافهمت عليها وهي تشرح

داريه اني حشيت بالزوله بس وش اسوي قسمن من حر ماونس

بالله من وين يجيبون لنا الخشش السنعه ؟؟

ملاحظه :كنت ابكتب بالاصفرعشان يقالي معايشه الوضع تمام بس خفت على عيونكم وعلى ذوقكم بس عادي كتبته هنا خخخخخخخخخخخخخخ

ياكليات البنات ياااااا **** ؟؟

تخيلو صديقاتي اللي بمبنى كلية المعلمات رياض الاطفال القديم يقاله اجدد مبنى بس مجدد بالديكور.. حسوا باهتزاز مب طبيعي وخافوا البنات ويوم جو بيطلعون والمشرفه عيتهم يطلعون الا وجت حجازيه حجازيه ملسونه وقالت ماعليا منك خخخخخخ وطلعوووا كلهم ويسألونهم ومابغوا يعلمونهم اثاري فيه اهتزاز بالمبنى بس قالوا انه هز وطلع شرخ فوق كبير

المهم طلعوا والبنات صراخ وهواش وحوسه وكلن يدق على اهله

الخبر موجود في جريدة الرياض ولايفوتكم التعليقات هنا

نقلا من منتديات الاقلاع قريت هالسالفه

اعتقدت أنها عين والمستشفى يؤكد أنها جلطة

عميدة بنات عنيزة تأمر الإداريات بالنفث في إناء لطرد الحسد بريدة: عائشة
الراضي

لم يكن العقاب هو الدافع الأساسي وراء الطلب الغريب الذي فاجأت به عميدة كلية
التربية للبنات بمحافظة عنيزة المدرسات والإداريات صباح أول من أمس. وكانت مديرة
شؤون الطالبات بالكلية قد سقطت مغشياً عليها، وفور أن رأتها العميدة طلبت على الفور
منشفة وإناء ماء ووجهت زميلات المديرة من الإداريات والأكاديميات بمضمضة الفم
والنفث في الإناء اعتقاداً منها بأن السبب في سقوط مديرة شؤون الطالبات هو
العين.ورغم وجود قسم الإدارة بجوار العيادة الطبية مباشرة إلا أن العميدة كانت فيما
يبدو واثقة من أن الحسد هو السبب. لكن مستشفى الملك سعود كان له رأي آخر فقد أثبت
الكشف الطبي أن ثمة جلطة خفيفة اعترضت مديرة شؤون الطالبات يلزمها علاج سريع

إلى هنا ينتهي الخبر.. كلنا نؤمن بالحسد والعين وكلنا صارلنا مواقف معاه اكيد بس تخيلوا الموقف اذا وهم خلوا كل بنت تنفث وماودوها للمستشفى وصار فيها شي لاسمح الله .. طيب موكل بنت راح تنفث واذا مانفثت هل يعاقبونها صدق ؟؟

حلمي اللي يروع

يمه قسمن قمت مرتاعه من نومي في ذاك اليوم

ان بلوقي انمسح وادخل عليه والقاه فاضي واصيح عند امي واقول بلوقي راح اللي اكتب فيه

وكاني دخلت على سوالف سوفت واسالهم على اقدر ارجع بلوقي اللي قرقره راح ابي ارجعه

وانا اصييييييح واخواتيييييي يهدوني يقولون الله اكبر من زينه ههههههههه

وانا اقول في عيوني زين مالكممممممممم دخل

بعدين رحت لمعقلي الحميم (غرفتي ) وانسحدت على السرير يقالي زعلانه

وشوي الا طحت من سريري بالحلم وصدق يعني يوم قمت

حمدت ربي انه حلم وجعله مايصير يااااااااااااااااااااااارب

في بالي مواضيع واشياء كنت ابكتب عن معرض الكتاب اللي بالرياض - واشياء حصلت

بس فاتني لظروف تخلي العنز خروف ابعوضكم ان شاءالله بالجديد وعسى الله يلهمني اني اكتب شي مفيد مب قرقر كالعادة لووووووول

والله ياني مشتاقه لكم كلكم من اولكم لاخركم يامدونين ومدونات

أنا بصدد بتطوير البلوق لتصميم جديد بسيط مرجوج بس ماكملته للحين ان شاءالله لاكملته حطيته

أطفال الأمس واليوم

أطفال الأمس
واليوم

:أطفال الامس

براءة

وقمة الطاعه

بساطة والعاب بسيطة

يسوقون سياكل

واشياءهم مره بسيطة

ولبسهم بعد بسيط

كلامهم نظيف

هدوء

حتى شافوا أفلام الكرتون المعروضه في ذاك الوقت مسليه ولافيها عنف

واخيرا في حياتهم: مافيه حالات عنف او قتل او اغتصاب

:أما أطفال اليوم

آخر الجوالات بيديهم والشرائح سوا وموبايلي والعادي

سب بالأجنبي وكلام غير لائق

لبسهم كله تقليد للغرب والفنانين

انواع الازعاج

وكلمتهم هم اللي يمشونها على امهم وابوهم

العابهم سوني وانواع السي ديات المؤثره في عقولهم وطبعا للعيال دبابات وقريبا هليكوبتر واسلحه ناريه

ويسوقون سيارات

اللي يشوفه من افلام حروب واجرام وعصابات وحب ورومنسيه يالله سترك

!! وفي حياتهم : كثرة العنف والقتل والاغتصاب نجدها منتشره بالبلوتوث

عطلة الاربعاء

الحمدالله عطلت الاربعاء

وجبت العيد في الاختبار ههههه مره صعب تموووت الا وماتجيب الا 6 صفحات ومقالي :(
عقب ماطلعت من الامتحان رحت اتنفس الهواء العليل
ذهبنا انا والعائله الكريمه الى سوق غرناطه << موكاني ذاك ابو سوبر ماركت بس مادورلي عريس

وكنت اول مره اروح له وجازلي مره حلو وتخفيضات وكلششششش بس ياكثر حقين الشوش منفوشه هناك والثوب المفتوح ازاريره وماغير يدورون اشكالهم تعطي لشباب النسيم ومنوحه وعريجا بعد مافحطوا يوم خلصوا من الاختبار

المشكله كنت مفلسه اليوم مدري وش يجيبني سوق ومفلسه << حريم

اللي لفت انتباهي مره كثرة الاخوه الشوام هناك مابقى الا يجيبون البساط والشوايه والارقيله وانواع الفله زي مانشوفهم بالحدايق

بس الاخوان اللي بالسوق كشششششخه مره وانواع السيارات الفارهه واللبس المحترم<< اموت بالفارهه ياناس

وكل وحده من حريمهم معهم شغالات فلبينيات

طلعنا بعد ماشفنا خشش الناس ونحتري السواق يجيب السياره

جاسعودي بكامل شخصيته واناقته ممسك بيد سوريه عبايتها من النوع المفخفخه ومعهم عيالهم وشغالتهم فتح لمرته باب السياره يوم وصلوا وهي تهاوش وتناقر عليه : لاك تحرك مشان مانتأخر على إمي والبارتي راح يبدأ وهو ماغير كانه مصفوق وجهه مسكين وسمي وان شاءالله وتكرم عينك وفتحلها الباب قبل مايركب الاغراض بالشنطه اللي ورى ركبوا كلهم و سيارتهم من نوع لكزس سودا ومظلله واللوحه مره مميزه مانيب قايلتلكم وش هي ههههههه وراحوا الله يستر عليهم

في نفس اللحظه يوم كان موقف اللكزس جت سياره كابريس قديمه بعض الشي سعودي ومرته وعياله ونسمع اصواتهم من السياره 3 عيال وبنت صغار مره كلهم اعمارهم متقاربه

يوم نزلت الحرمه ونسمع الرجال لاااااااتتأخرون انا وراي اشغال ومنب فاضيلتس (فاضيلك) ودقي علي دقه لاخلصتوا وهي تقول خلاص سم لاتفضحنا بنجي بعد ماخذها وواحد من العيال يقول بابا وبابا وهو يقول خيرررررر وش تبي قال ابي فلوس الابو صارخ في وجهه مع امك يالله انقلع وانتبه لاخوانك وهي تقول الحرمه معي معي تعال بس ومشششششى بسرعه البرق وكانه مفتك منهم ودخلوا للسوق

هههههههه يالله قمة التناقض سبحان الله أنتهى الحش

كل عام وأنتم بخير

إجازه

إجازه

ففترة نقاهه بسيطه

فسفر لقضاء العيد مع الأهل هناك

وذبح خرفان ودمان << مهيب تقربله ابد

وراح نشتاقلكم يا أهلي أهل البلوقز الكرام

فترة بسيطة وراجعه ان شاءالله

اتمنى تقبلوا مني هذي وانتم ماشين

للأسف مب سمثنق نيو بس مابي يصير يديني فاضيه

والجود من الموجود

http://www.geocities.com/hadeel00hadeel/3eed-a.htm

في آمان الله وكل عام وانتم بخير مقدما

أعذروني ماراح احدث البلوق لفترة الامتحانات

شوشة شبابية

شبابنا والشوش

معليش مالقيت الا صورة الطعس ذا اللي بستار اكاديمي اسمه محمد مدري وشو وينقاله سعودي


سنه أم تشبه أم تقليد وموضه؟؟
ينقاله تشويق>> ذا العنوان طحت فيه من إحدى الجرائد السعودية
من زمااااان من زماااااان أبي أحش عن الشوش اللي طايحين فيها شبابنا
اللي أشوفــه إنه الشباب صارو يهتمــون بالموضة أكثر من البنات ومنها إهتمام بالبشره والشعر وآخر خطوطـ الموضه والأزيــاء .. !!وآخر صرعات الموضة عند الشباب موضــة إطــالة الشعـــر ..
قمة القرف عندي لما اشوف أخوي(ابشركم قص شوشته بس كانها شجره اهم شي مقصوصه ولاهي بطويله) أو أي واحد مطول شعره لاتقولون حريه شخصيه اللي صاجنا فيها أخوي
من جد شي عجيب لما نشوف التقليعات اللي يسوونها شبابنا الشعر اطول من شعري والسلاسل اللي طاحو فيها مابقى الا يلبس تنوره ويتغطى بعد!! غير المشيه المتصنعه( اللي زي هيجاء اللي مثل دورها ناصر قصبي يوم يلعبون على الحجازي ) وكل شوي ماسح بشعره
ويبيله بس يحط ميك اب

عمري ماشفت واحد مطول شعره ألا لازم يكحل عيونه
ألحين اشوف فئه معينه من الشباب ينافس البنات في تطويل الشعر غير ان البنات عكسهم في قص الشعر << هذا شي ثاني اوكي بس في حدود المعقول إذا سألتهم عن حكمة تطويل الشعر مايقهرني الا ان يقولون اقتداء بالرسول صلى الله عليهم وسلم !! يعني تخيلوا واحد مايصلي الصلاة في وقتها ولا يصلي بالمسجد اصلا ويجي يقول اقتداء!! واعجبي واحد كاتبين عنه بالجريده يقول : أنا أعتني بشعري بالكريمات والزيوت والجل والحناء واصرف مايقارب اكثر من ميه ريال شهريا حتى يبقى مظهري رائع << امحق من رائع الا يروع خاصه لاربط شعره بعد انواع حومة التسبد أحسه هالنوع للي مطولين شعورهم يفقد رجولته :/ حريه شخصيه لاحد يطامر علي بلسانه وكيبورده

!!!

البنت والكيت كاته

:Dالبنت و الكيت كاته

ذي سالفه وتذكرتلكم ياها

حدث في يوم الاربعاء مدري اي تاريخ << الله مستعان يالمدرسه كنا نحفظ التواريخ غصب

المهم كانت فيه شله الله يستر علينا وعليهم من بين هالشله فيه بنت مدري وشلون تفكيرها الحمدالله

ذي البنت مسويه فيها توب واني احسن وحده و أني راعية ذبه(يعننها تنكت على الناس) قويه غصب تضحكون عليها البنت والله اني رحمت نفسيتها ورحمت عقلها الحمدالله والشكر اي وحده تمر وجازتلها بتذب عليها تقولها باأعلى صوتها عاااادي وهمن يستلمونها ضحك هي وشلتها والله كل ماشفتها يصير كذا خخخخخخ اضربلكم مثال : لي شنطه كانها استريو خخخخ الليي يشوفها ابشغل سامري امريكي هع بس المهم انها عاجبتني ذي البنت ماستحملت الذبه قالت شنطه استريووو شغليلنا خالد عبدالرحمن انا عاد التفت عرفت ام صوت سبحان الله صوتها حاد ومميز خخخخخخ قلتها وع من زين خالد (عاد أنا ما اطيقه ههههه ياليتها قالت زبيده ولاموضي الشمراني اصرف) اقلبي شريطك فاااااااااضي ورحت سفهتها خخخخخ المسكينه انقهرت وسكتت وتسوي روحها ماسمعت وقامت كانها تسولف ولا كانها ذابه ههههههه طيحة وجه واحس اللي حولها ساكتين بس ماعرفوا يصرفون (شكلهم حاموا كبودهم من خالد) ساد

يوم طلعنا عاد من المحاضرات كنت انا وصديقاتي قعدنا بالصدفه قدامهم وكنا نسولف ولالقينا كراسي فوقنا وملقين ظهورنا وراهم المهم وهم يسولفون طبعا وحده منهم كانت تسولف وحنا ملقين وراها فجأةذي البنت اللي تسولف مب هي صديقة ذيك ام ذبه طلع صوتها كانها شريط خربان ههههههه يوم التفتنا ضحكنا غصب لاشعوريا اثرها تاكل كيت كات وهي تسوولف المهم جت ام ذبه والتفتت علينا خيرررررررر ان شاءالله قولوا ماشاءالله نظلتوا البنت << أنا وغدور طالعناها بنظرات غريبه وتحمدنا ربنا ههههه المشكله ماشفنها اصلا وهي تاكل الا يوم طلعت الصوت وقضت هههههههه قلتها الله اكبر لو أنه كيت كات حق لندن اللي ينباع بالصديليه 15 ريال خخخخ << ايه فيه كيت كات بالصديليه يقول راعي الصديليه جايبينه من لندن صدق بس نسيت اسأل نوني من وين جايبته

الزبده من الكيت كات

هل في ناس مثل تصرفاتها ؟ صديقاتها كيف يستحملونها؟؟ والله اني اول مره اشوف مثل هالبنت الله يهديها والله مب زين كذا ومن تواضع لله رفعه المشكله البنت هذي تخيلوا لما قامت من شلتها مدري وين تروح تكلموا بنتين من ورى قالت ايييييييييه يوم قمت قمتوا تحشون فيني ومدري وشو وقعدت تصارخ عليهم بالصوت الحاد << للأسف ماعندك ثقه بنفسك

تحمدوا ربكم بس :D

سبحانك اللهم وبحمدك أشهد أن لاإله إلا أنت استغفرك وأتوب إليك

رحلتي إلى ماليزيا

سلااااام عليكم

كيفنكم و أخباركم

بما أنه هذا ولادة أول بلوق لشيخة الغفر هديل خخخخخ

بس مدري وش أكتب أول بوست لي

أشياء كثيره في بالي بس لما أجي أكتب مادري للحين أكتب لايش

أو أحش ايش أو امدح وشو هاااااااه علموني؟

كتصبيرة كنت كاتبه عن موضوع بعد عودتي من الإجازة الصيفيه

عن الأحداث اللي حصلت في سفري إلى ماليزيا

لذلك بسوي كوبي بيست مؤقتا معليش ههههههههه وان شاءالله يكون البوست الثاني طازه ان شاءالله

-------

كنت أحكي عن الأحداث الطريفه اللي مرينا فيها واشياء ومغامرات بالجمله وعن السعوديين هناك -بشكل آخر عن اللي يمثل بلده في الخارج

------

أذكر في ماليزيا
كنا في احد الشاليهات وماخذين غرفتين غرفه كنت انام فيها مع
اخواتي
المهم ذا ديكور حمامهم الله يكرمكم بلا سقف!! يعني يمدي اللي يطل عادي بس جيبوا
كرسي وقزوا << ماحد بيسويها اكيد وعلى طاري الحمامات الله يكرمكم مرتن اخرى
اكره لاسكنا شي بدون للوضوء بعد قضاء الحاجه احم
محومين تسبدي بهالمناديل اللي حاطينها
المهم بما انه ماليزيا الخضراء تكثر فيها الحشرات والامطار اللي تدخل في الحمام
اللي بدون سقف
صدف وزارنا شيييييييييييي ششششششششششششششييييييييي
انما ايه!! بالليل والساعه 10 تقريبا
تدرون وشو؟؟؟؟؟؟؟؟؟؟
له اسامي وش كثرها ابسدحها لكم (بعرصي -ببريعصي تصغير وتدليع- ضاطور- ابرص مدري
ليه مخترعين له هالاسامي) الموهم ياطويلات الاعمار بحكم احنا يامجتمع الانوثه
ركيكات<< اشك اني ركيكه بس حسيت اني ركيكه بهالشي وفي وقت الليل وكنت اقرالي مجله شعر
حقت حش عن فلان وعلان
اللين عورني راسي وابي انام صرنا دجاجات معهم ينامون بدري ماعندهم سهر حدهم 10 وأن
كثروا12 .. يوم بنام جيت ابطفي الاباجوره اللي جنبي
والمح ذا الحلو وازعق زعقه واقوم اخواني ابي اعلمهم انه فوق بالسقف
: يييييييييييييييييييييييوووووووووومه فيه بعرصي
قووووووووووموا وشلون يجيكم نوم وذا متلزق بالسقف
قووووووووموا افزعوا بشي نطيحه ونطلعه تكفون
مير أختي توها حاطها
وتبي النومه الاخت مدروخه
واحاول اني اطيحه بنعال او مجله ماقدرت وخفت انه لو طاح يمشي
بالارض ويبلشنا وادق الرسبشن
اقولهم يرسلونا احد مع فليت ولا مكنسه ويموته وقلت انه فيه ويزل فالحه
بعنقليزيتي لوووول)بالسقف الاخ اللي يكلمنيمافهملي وعطاه
خويه اللي يعنني فاهم
وقال اااااااه يس يس اي نو نو
تيب بيجيكم الحين الفزعه.. وافرررررررح ونحتري ونحتري ماحد جا وبابنا مفتوح (امان
لاتخافون ) نحتري اللي بيجي او بتجي واشوف فيه كشافات برى تنور تروح وتجي مع الظلام
ماشوف الا الكشافات يوم اقبلت لقيت رجاجيل لهم عضلات
وكشافات طلعو من رجال الامن والحراسه واشوف احد يكلم فوق الشاليه سالته قلت وش
فيييييييه؟؟ قال انتم مبلغين ان عننننندكم احد بالسقف قلت وشوووووووو
واضضضضضضضضضضضحك
لا شعوريا أقوله تعال هذا اللي مبلغته عنه واشر على المجرم اللي فوق
ويمووووووووت من الضحك ويقول آه ويزل قلت ايه اجل وش قايله

خلصنا بس تكفى

ويقوم ماشاءالله عليه يجيب الكرسي ويطقه بيده بالسقف
ويقول بسم الله ويقطع الذيل وانا
تحوم تسبدي يقول شوفيه مات والذيل حقه يتحرك قلت اكيد انت مسلم قال إيه ماشاءالله
بتصافح الرسول بالجنه قال ايه مسلم من فضل الله
ويطلع وانواع الثانكيوات واسمعه هو وربعه يموتون ضحككككككككك يوم علمهم
وطبعا انواع التعليقات بغرفتنا واللي حولنا لووووول
-----

حومة تسبد
وبما حوم تسبدي
اني القا كل سعودي وماكانك برى سعوديتنا ابد
فيه منهم الزين وفيهم اللي يفشلون
اشكال وانواع منهم لذلك قررنا ان نطلق عليهم باسم (الخيام)
في كل داعوس نلقاهم التفت يمين يسار قدام ورى حتى فوق القاهم تحت القاهم اي شي
تلقاهم فيه

اليكم بعض من النماذج السعودية
الساذجة

في الصباح وفي وقت الفطور ينزل رجال اصلع
كاشخ لابس احسن ماعنده في الصباح وهي الجلابيه يكشف عن راسه الاصلع ناقصه
الطاقيه بس ابشركم لابس نعال زبيريه يجر وراه مرته وعياله اللي اول
مايطبون البوفيه الصباحي يركضون ويتسابقون
من يغرف اكثررررررر
واحد تلاقينه مجمع انواع الخبوز والثانيه تحط التوست في التوستر الين تغرف الصحن
كله والثاني يروح ويجي على كيسان فيها مويه وعصير برتقال
الثالث يحب يجمع زبده ومربى اما الام فهي تقوم بدور جمع الصحون وفي غرف عيالها ابي
هذا لالالا هذااا ليش حطيتيله اكثر وانا شوي؟؟؟ مابي هذا وعععععععع... الــــخ
تخيلوا كنت حاطه صحني احتري بنتهم الصغيره تخلص من التوست وشافتني قالت انا جايه
قبلك؟؟؟

تكفين قولي قسسسسسسسسسسم

حطيت صحني وهاوشتها وراحت المهم اشوف
يد ومعها مساكه التوست اثرها الام وتشوف صحني اللي فيه سبرنق رول وخرابيط وتجي
تاخذه قلت لو سمحتي هذا صحني وش رايك تاخذينه كله؟؟؟ قالت هاو ياخزياه وش
مدريني حسبته مع الخبوز ياخزياه اسفه مابيه وتروح متفشله مسكينه تروح بقى اخر
شي تصب القهوه والشواهي تخلي اكوابها الثلاثه فيهم قهوه وتاخذ بس الشاهي اللي صبته
وخلته بالطاوله
الاب يقعد منسجم مع جريدة الصباح وياكلون ويقومون وتلقا الطاوله ملييييييييييييانه
من اللي غرفوا بوفيه كامل حرام يغرفون ولا ياكلونه وكثير وبينكب!!!!!!!!!! والله
حرام

----

نجي على حقين شهر العسل

بما ان كل المتزوجين هناك وجايين ومبسوطين طبعا نشوف الرجال ماسك كاميرا فيديو
جايبها مب عشان يصورونهم وهم مبسوطين لا عشان يصور المناظر الخلابه !! لا تروحون
بعيد
لا لا وش خلابته اي وحده متحجبه ويترك المفاصيخ يلاحقها ويصورها
هي لعبت مشت راحت جت الكاميرا مرتكزه عليها والزوجه السعيده ماندري وش مشاعرها من
ورا العبايه ام راس والغطا

وحريمهم لهم دور تلاقون اذا اي وحده
فاتشه ومتحجبه مسمرين عندها مسمار جحا ويحومون حولها اليييين يعرفون من هي يشوفون
تقربلهم ولا لا وهات ياللقافه وياليتها على حلاوة الغطا العيون مرسومه رسم تقول عرس
وكابه ميك اب والعبايه على الراس وترفعها لين الركبه ولابسه برمودا يعنني شوفوني
---

في الطياره طبعا اللي يفتش يفتش واحد
مسكين هو ومرته

المهم مرته راحت تفتش بالحمام التفت لاشعوريا بالكرسي الثاني يلقا حرمه فتشت ونزل
راسه وجنبها رجلها الرجال عصب
وقف ويطل ويحتري واستغرب الرجال المسكين من تصرف الرجال المعصب
اللي معه مرته وشافها وهي تفتش
اثر الرجال المعصب يحتري مرت الرجال المسكين يبي يشوفها زي ماشاف مرته وقعد
وعلى مبدأ ليش تشوف مرتي ابشوفها زي ماشفتها

هههههههههه حمدالله ياربي عقليييييييييات تخللللللللللللللللف
----

شباب سعوديين
على اكبر من عبدالله اخوي يدورون حول
القهاوي عند ستار بكس وطقته وشافوا كويتيات ورانا والله مؤدبات مع امهم ولا
اتلفتوا لهم والشباب مايقدرون يجون لهم المهم يأسوا ياما
راحوا وياما جوا المهم واحد منهم ماتحمل المريض صرخ بأعلى صوته
ماي فون نمبر اتز

لاحظوا بس اتز زيرو فايف فايف تو ويكمممممل فروم سعودياعربيا
كود نمبر ويكمممل ويضحك متفاخرا هاهااههع خهع << ضحكته عجزت افسرها خخخخخخ وكانت حرمه هنديه تدور رزقها تبيع شرابات السته بعشره جالها من الشله واحد قصيمي ومسويله عوارض ملفلفه لوووووووول باين من خشته مسك شربات الحرمه بيدينه ويجرها يصارخ متحمس تنننننننننننن فور تننننننننننننننننننن يعني عشرة مقابل عشرة وانواع التفال الرشاش بوجهها وهي تمسح مسكينه وهي تقول نوووووووو نوووووووووووو تبيعنن ولا ماتبيعنن بالطقاااااااااااااااااااق ويضحكون عليه ويروحون التفت لنا الحرمه الهنديه بكل اسى وكانها تقول ليه انتم يا لسعوديين كذا ويدها على
وكانها تقول ليه انتم يا لسعوديين كذا ويدها على راسها
-----

تشوف شاب مقبل من بعيد

ومعه صديقته الشقرا
استرالية
ويقربون عندك في هذه اللحظه يشوف السعوديين ويبي يسكت بس الشكل فاضحه يطالعنا بنظره
غريبه وابتسامه مصطنعه
ورفع حواجبه تساله صديقته انت في اي روم ويالله يجاوبها اأأأأ نا في روم كذا
ويروحون للفت!! بغينا نلاحقه نكاده فيه
او يجيك رجال تعطيه عمره في الاربعين
ماسك له وحده صينيه يتمشون في الليل يوم يشوف السعودين يفكها واذا راحوا كمل #@#!#>> مشفر
-----
البنات لهم دورررررررررررررررررر وقح جدا في انك تشوفهم بالسوق مع صديقتها السمرا تترنح بالمشيه لابسه بدي علاق (خخخخخخخ وينك ياسوسو تيييييييييبغي بدي علاق اسود << تذكر الرجال اليمني راعي المحل) فقط يطلع السره وبنطلون ضيييق ويبين كل العلوم وبرمودا ولوويست وانواع المكاييج والشعور وهي ترررررررررروع شيفه قسم بالله تروع بس احسن مافيها جسمهاوالظاهر مساكين حرانين السوق مافيه مكيفات الظاهر حسوا ماشغلوهاالمهم يدخلون المحل وكل محل فيه غرفة قياس شافوا اخوي وماغير يفتحون غرفة القياس شوي وكل شويات يغيرون اللبس وهذا واسع ومدري وشو يعني انواع التفصخ والتلبس انواع قلة الحيا ومنظر يشمئز منه يوم طلعوا يقولون لاخوي باي بكل وقاحه مع غمزهجعلها العما وماتشوف ابد يعني من مناظرهم تحسون انهم بنات راعيات
----

رجال سعودي في ملاهي جنتج هاي لاند مع
بنته اللي عمرها 5 سنين يبي يركبها المراجيح اللي تدور وهي مايركبها الا الكبار
وعيت المسئوله الين تنزل وقال بنتي بتقعد ومالك دخل فيها قالت ماراح اشغل اللعبه
الين تنزل وعلى الحال الين نزلوا من اللي يلعبون ويتذمرون منه واسمعهم سعوديا اربيا
من تصرفه بعدين قالت له ابجيب المسئول وماراح اكون مسئوله لو صارلها شي رد عليها
باقذر الكلام ويسبها ويتهيا لمن يسمع انه عايش بشوارع تربيه صح فشششششششلنا قسم
بالله قدام كل العالم تخلللللللللللللللف
-----

وغيره وغيره

مناظر مؤسفه للاسف منقهره من التخلف اللي حااااااااااااصل بس اللي اعرفه كل واحد
برى بلده يكون سفير لبلاده

وتراني ما أعمم الكل ,, يالله سلااااااااام عليكم